«AMANAT» партиясы Жетісу облыстық филиалы жанындағы Әйелдер қанаты мен «INSPIRE BILLIONS» ЖШС-нің ұйымдастыруымен әйелдерге арналған ерекше тренинг өтті.
Шараның спикері – тәжірибелі маман, мотивациялық коуч Арай Бакімбаева. Ол қатысушыларға ментальды денсаулықты нығайту, өзін-өзі дамыту, ішкі үйлесімді табу және өмірлік тепе-теңдікті сақтауға бағытталған құнды кеңестер берді.
Сонымен қатар, қатысушылар өз ойларымен бөлісіп, көкейдегі сұрақтарына жауап алу мүмкіндігіне ие болды.
Тренингтің басты мақсаты – әйелдердің қоғамдағы орнын айқындап, олардың әлеуетін ашуға, шабыттандыруға және жаңа серпін беруге бағытталды.
